الحرشة المغربية

اخواتي السلام اليكم اليوم بغيت نساهم حتى انا مع منتدانا الحبيب
بوصفة الحرشة
حقيقة مكاينش شي مغربية لي متعرفش ديرها ولكن اكل طريقتها
وحيت الحرشة ديالي تيشكروهالي كلت مع راسي علاش منفعش بها دريات او حتى دراري المنتدى العزيز

المقادير

نصف كيلو سميدة متوسطة
ملح حسب الدوق
نصف باكية خميرة الحلوة
معلقة عسل باش تجي حمرة
كاس حياتي
زيت مع زبدة دايبة
والسر العجييييييييييب هو

:

نقول ولا لا

هو الماء الطايب بحال الى غادي تعمري بيه اتاي
الطريقة
بعد ما تخلطي العناصر كلها مع بعضها ثم مع الزبدةوالزيت وتبسس مزيان
تجمعيها بالماء الطايب)( عنداكو تستعملو يديكم تحرقو وتسميوها فيا )
خلطو غي بشي معلقة دلعود خليوها مطلوقة شوية
كرصوهافالسميدة وطيبوها فالطاجين بالحق خليوه يسخن مزيان
انا متاكدة غادي تدعيولي برحمة الوالدين

الله عليك يا حوت

الله علي المغرب واكل المغرب